AIDS peedit ne aatmhatya ki

AIDS peedit ne aatmhatya ki :—-Meerut ke ek AIDS peedit yuvak ne jahar khakar aatmhatya kar li hai. Suicide note me usane apanee patni ki bevaayee ko apanee hataasha ka mukhy kaarana bataaya hai. Darasal ye yuvak Mumbai ki film industry me light man ka kaam karana tha vahi ise sangitaa naam ki ke ladaki se prem huya. Magar sangita ke parivaar vaalo ne usaki shaadi delhi me kar di. Is beech is premi yugal me shaaririk sambandh bane rahe. Sangita ek beti ki maa bani aur Mumbai ke ek aspataal me delivery ke dauraan ki gayee khoon ki jaancho me pata chaal ki maa beti dono ko AIDS hai. Sangita ke pati ne us par premi se AIDS ki bimaari laane ka aarop lagaate huye bachchi sahit use chood bhi diya. Magar is premi yuvak apane prem ki khaatir sangita ke saath shaadi kar aur usaki bachchi ko bhi apana liya. (AIDS peedito ki is shaadi ki khabar ko NDTV sahit national media ne coverage diya tha) aur tabhi se ye parivaar meerut me apane din kaat raha tha.

Is yuvak ko gaanv vaalo ne kabhi apanee is bimaari se hataas hote huye nahee dekha. Haalaanki use apane jivika ke liye rojgaar karane me bhi kaafi dikkate aayee. Aksar vah majdoori karata tha aur jab bhi logo ko usaki bimaari ka pata chalata tha to log use apane kaam se hataa dete the. Gaanv vaalo ne bhi kayee baar chanda ikhatta kar is parivaar ki jivika me yogdaan diya.Pichale dino sangita ki haalat bigadani shuru ho gayee to usaki maa usaka ilaaj karaane ke liye Mumbai le gayee. Baar baar bulaane par bhi vo apane is premi pati ke paas nahee loti. Aur ant me usane phone par isase apana sambandh todane ka faramaan suna daala. Apane patni ke in alfaajo ko ye yuvak sahan nahi kar saka aur usane jahar khaakar aatmhatya kar li.yuvak ne suicide note me apane bhai se maafi maangi ki vo usake liye koyee madad nahee kar saka balki kaafi din tak parivaar par ek boojh ki tarah raha.Is pure maamale me sarakaari tantr ek dam sunya raha. Media me kayee baar khabare aane ke baad bhi kabhi koyee sarakaari numaainda is parivaar ki sudh lene gaanv nahi pahuch.Shyam parmar,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s